Konseya Rayberdişî ya KNKyî 27ê êlula 2020î  de bi beşdarîya endamanê xo kombîyayîşê xo kerdbi. KNKyî netîcenameyê kombîyayîşê xo eşkera kerd. Eşkerayîya KNKyî de ame vatene ke kombîyayîş de rewşa sîyasîya ya Kurdîstanî, Rojhelatê Mîyanênî û dinya ser o ameye vindartene û bernameyo serrane ame amadekerdene.

KNKyî eşkerayîya xo de bale ante Hemleya 'Wext Wextê Azadîye' ya KCKyî ser û da zanayene ke Hemleya KCKyî her hetî ra zaf girîng a. KNKyî ard ziwan ke rijîyayîşê Erdogan, Bahçelî û Ergenekonî pabesteyê xelisîyayîşê kurdan û Kurdîstanî yo. KNKyî pare kerd ke ê paştî danê Hemleya KCKyî û tewrê ci benê.

KNKyî eşkerayîya xo de cîya bi cîya rewşa Rojawan, Başûr, Vakur û Rojhelatê Kurdîstanî viste vîrî û eşkera kerd ke têkoşîn û xoverdayîşê vera dewletan ê faşîstan ê sey Îran  û Tirkîya do dewam bikerê. 

KNKyî eşkerayîya xo de îfade kerd ke înan bire daye ke tewrê kampanyaya azadkerdişê Rayber Apoyî bibê. KNK na çarçewe de do çend sendîkayanê Biritania û rêxistinanê sivîlan ê dinya reyde goreyê Hemleya 'Wext Wextê Azadîye yo' kampanyayan bikerê. KNKyî venga pêro kurdîstanijan da ke seba azadîya Rayberê Şarê Kurdî Abdullah Ocalanî  her ca de paştî bidê Hemleya KCKyî û berpirsîyaranê xo bîyarê ca.

KNKyî da eşnawitene ke rîyê vîrusê Korona ra ê do emser kanûna 2020î de bi rayîrê înternetî kom bibê.