RiseUp4Rojava pare kerd ke vera zulmê faşîstî, kedwerdişê kapîtalîzmî û wêrankerîya emperyalîste venga her kesî da ke 1ê kanûne ra heta 8ê kanûne her ca de vejîyo meydanan.

RiseUp4Rojava eşkerayîya xo de da zanayene ke 1ê kanûna 2014î de bi mîlyonan merdimî pêro dinya de seba Kobanê vejîyayî meydanan û vera barbarîya DAÎŞî vinderte. Platformî eşkera kerd ke hêzê emperyalîstî hema zî Rojawanî ser o hesaban kenê û hêrişê îşxalî yê dewleta tirke vist vîrî. RiseUp4Rojava bale ante hêrişanê vera Şingal, Mexmûr û Başûrî ser û pare kerd ke dewleta tirke armanc kena ke pêro herême bivisna destî.

Eşkerayîye wina dewam kena: ''Ma do seyr mekerê ke hêvîyê ma hê fatisîyenê. Coka ma mabênê 1-8ê kanûne de seba hewteyê xoverdayîşê mîyanneteweyî veng danê. Seba ke ma Rojawanî rê paştdayîşê xo bimojnê 1ê Kanûne Roja Kobanê ya Dinya de her ca de vejîyê meydanan 2ê kanûne ra heta 5ê kanûne ma babet, hedef û têkoşînanê ma yê hemparan ser o paştdayîş xurt bikerê, 6ê kanûne ra heta 8ê kanûne zî ma îşxalê dewleta tirke protesto bikerê.

Ma venga pêro merdiman danê ke vera zulmê faşîstî, kedwerdişê kapîtalîzmî û wêrankerîya emperyalîste vejîyayî meydanan.''