Koklu: Kaosî ra vejîyayîş bi Ocalanî beno

Avûkatanê Buroyê Huqûqî ye Asrinî ra Serbay Kokluyî vat ke tecrîdê Îmraliyî sey sîstemêkî yeno caardene.  Kokluyî îfade kerd ke seba ke kaosî ra bêro vejîyayene ganî perspektîfê Ocalanî sey esasî bêro girewtene.

Avûkatanê Buroyê Huqûqî yê Asrinî ra Serbay Kokluyî yo ke ANFyî reyde qisey kerd vat tecrîdkerdişê Ocalanî mîyanê sîstemê huqûqê unîversalî û sîstemê Tirkîya de cayê ci çin o.

Kokluyî vat: "Ganî sîstemê tecrîdî yê Îmraliyî îşxalê Rojawanî reyde bêro ercnayene. Sîstemê tecrîdî yê Îmraliyî huqûqê Tirkîya û unîversalî de vera şexsê ey ame caardene. Panc pêvînayîşan de ma reyna dî ke ewnîyayîşê Îmralî senî tesîrê dinya û komelî keno. Reyna firsend vejîya ke komploya mîyanneteweyî zaf heta ra bêra ercnayene. Ocalan seba çareserîye hêvî yo. Ocalan seba çareserîyêka mesela kurdan venga aqlê dewlete dano seba kurdan zî bale anceno aqlêkê hempar ser. Seba kurdan aqlê kurdan cuya azade û komelo azad bi. Ma wextêkî de yê ke no aqlê kurdanê azadan hema zî bi xurtî awan beno. Ocalanî seba çareserîya sîyasî  îtîfaqê demokratîk û pêvînayîşanê demokratîkan mojnayêne. Perspektîfê Birêz Ocalanî seba ke ma kaosî ra bivejîyê çareserîyêke mojneno. Yeno dîyene ke komploya mîyanneteweyî û konseptê şerî yo ke Iraq, Sûrîye û welatanê bînan ê Rojhelatê Mîyanênî de dest pêkerd çareserîye kenê vîndî. Ocalan vano 'Ma xîret kenê ke huqûqê kurdan o ke seke çin o yeno qebulkerdene awan bikê. Şar ganî nê pêro heqan bivîno û ganî bi nê hawayî têkoşînê xo biko. Na çarçewa de ma xîret kenê ke bixebitê. Ma venga her kesî danê ke na çarçewa de bixebito. ''