Nobeta Azadîye  ya ke semedê azadîya fîzîkîye ya Rayberê Şarê Kurdî Abdullah Ocalanî  25ê hezîrana 2012yî de bajarê Strasbourgî yê Fransa de dîyaye destpêkerdene hewteyê 540. de dewam kena. 

Nobeta Azadîye hewteyê 540. de hetê koma Heilbronnî ra ameye dewrgirewtene. Kome de kurdîstanijî Huseyîn Genç, Nadîle Çelîk, Hediye Şemrag û Muslum Ozkan cagênê. Kome nobeta xo de bi eşkerayîyêke bale ante hêrişanê kîmyewîyan ê dewleta tirke ya îşxalkere ser.

Vervatoxê kome Huseyîn Gençî dîyar kerd ke Yewîya Ewropa û dezgehê ci qirkerdişanê dewleta tirke peygoş kenê û vat: ''Ma qetilkerdişê 17 gerîlayan şermezar kenê. Ma venga dezgehanê mîyanneteweyîyan danê ke cade heyetêkî bişawê û cayê hêrişan de no heyet cigêrayîşan bikero.