Komîteya Keyeyanê Şehîdan û Vînîbîyayeyan (KOMAW) bi eşkerayîyêke şehîdê menga teşrîna verêne yad kerdî.

KOMAWî Bêrîtane (Gulnaze Karataş) yad kerde û pare kerd ke têkoşînê aye yê vera dewleta tirke û xayînîya Başûrî, tewirê ci yo şorişgêr hema zî derbazdar o. KOMAWî vat ke embazê Bêrîtane ewro bi tewirê Bêrîtane xo ver danê û artêşa tirke ya îşxalkera ke pê nê xoverdayîşî nêeşkena, vera gerîlayan çeka kîmyewîye xebitnena.

KOMAWî Arîne Mîrkan û xoverdayoxê Kobanê zî yad kerdî û vat: ''Înan hêrişê DAÎŞî çin kerdî û bîyî sembolê Şorişê Rojawanî. Şexsê Gurbetelî Ersoz, Sarya, Dr. Şirvan, Zekî Palabiyik, Delîl Dogan, Kazim Kulu, Paramaz Kizilbaşê enternasyonalîstî û Andrea Wolf  û Azîme de ma pêro şehîdanê menga teşrîna verêne bi rêzdarî yad kenê û semedo ke bibê layîqê înan ma do xîret bikerê.

Ma venga pêro şarê Kurdîstanî danê ke rayîrê şehîdan ra şoro, dormeyê şehîdan de bêro pêser û wayîrê şehîdan vejîyo.''