Komeleya Keyeyanê Şehîdan û Vînîbîyayeyan (KOMAW) Îdareyê Başûrê Kurdîstanî rê mektubêke şawit û cenazayê gerîlayanê ke Xelîfan de hetê hêzanê PDKyî ra kişîyayî waştî.

Mektube wina ya:

''28-29ê tebaxa 2021î de Xelîfan de 7 gerîlayan rê dafike ronîyabî. Gerîla Hakî Zîlano ke dafike ra xelisîyabi pare kerd ke 5 embazê ci nê hêriş de şehîd bîyê, yew embazê ci zî birîndar bîyo. Verî zî 3 gerîlayê HPGyî pê dafikêka bîne ameybî şehîdkerdene. Hema zî nînan ra xebere çin a!

Mayê Haştîye semedo de cenazayanê nê şehîdan bigêrê verê Berê Sînorî yê Sêmalka de çalakîye de yê.

Ma venga Serekanê PDKyî danê ke cewabêkê raştikênî bidê Mayanê Haştîye, şarê kurdî û rêxistinan û cenazayan teslîm bikerê. Şima do goreyê waştişanê Mayanê Haştîye yan goreyê waştişanê Tirkîya têbigêrê?

Şexsê şehîdanê Xalîfanî Şoreş, Tolhildane, Birûsk, Serdem û Serwerî de ma pêro şehîdanê Kurdîstanî reyna bi rêz û hûrmetî yad kenê. Ma keye, şarê kurdî û embazan rê serweşîye wazenê.''