Şaristanê Welsî yê Avusturya de 132 rêxistinanê komelê sivîlî vera nîjadperestîye kombîyayîşêk kerd. Kurdîstanijan kombîyayîş de bale ante tecrîdê vera Abdullah Ocalanî û hêrişanê kîmyewîyan ser.
Şaristanê Welsî yê Avusturya de Dem-Kurdî zî tede 132 rêxistinanê komelê sivîlî serkêşîya torra antîfaşîstan de derheqê partîyanê rastgîran û nîjadperestîye de kombîyayîşêk kerd.
Çarçewa kombîyayîşî de bi şîarê 'Rayberê Şarê Kurdî Abdullah Ocalanî û pêro tepişteyanê sîyasîyan rê azadîye, Kurdîstanî rê statu' standêk ame akerdene. Stand de derheqê Komployê Mîyanneteweyî de broşurî ameyî vilakerdene. Kombîyayîş de şexsê Jîna Emînî û Nagîhane Akarsel de pêro cinîyê şorişgêrî ameyî yadkerdene û bale ameye antene hêrişanê kîmyewîyan ê vera Herêmanê Pawitişî yê Medya ser.
Aktîvîte de seba ke PKK lîsteya terorî ra bêro vetene îmzayî ameyî arêdayene. Beşdaranê kombîyayîşî rê zî kitabê almankî yê Rayberê Şarê Kurdî Abdullah Ocalanî sey dîyarîye ameyî dayene.
