Komeleya Lêkolînên Kurdî (Komeleya Cigêrayîşanê Kurdî) de seba dersanê kirdkî, kurmancî û sorankî 14ê teşrîna verêne de dest pêkenê. Dersî do bi hawayêkê têrî û bêpereyî bêrê dayene. 

Hemsereka Komele Remzîya Alparslan derheqê babete de Ajansê Mezopotamya rê qisey kerd û venga pêro kurdan da ke seba ke wayîrê kultur û ziwanê xo vejîyê qeydê xo virazê. 

Remzîye Alparslan da zanayene ke seba kursê înan eleqeyêko pîl est o û vat: ''Kesê ke wazenê hesabanê ma yê medyaya dîjîtale ser o formê Google Docsî debikerê û qeydê xo virazê. Kesê ke wazenê ke eşkenê bêrê adresê ma de qeydê xo virazê. 

Ziwanê ma nasnameyê ma yo. Eke ma vanê kurd ê û Kurdîstanî ra yê ganî ma wayîrê ziwanê xo vejîyê. Bêrê ma pîya ziwanê xo bimusê. Ma çi bikerê bi ziwanê xo bikerê.''

Qeydî serê adresanê komeleyakurdi.org/kr û komeleyakurdi.org/tr ra yenê kerdene.