Derheqê Komîteya Çareserîya Alozîyan a KNKyî de eşkerayîyêke dîyaye. Eşkerayîye de ame vîrvistene ke alozîya Başûrê Kurdîstanî ra dima înan 4ê teşrîna peyêne ya 2020î de Komîteya Çareserîya Alozîyan a KNKyî naye ro û komîte a roje ra nata seba wezîfeyê xo têgêrena.

Eşkerayîye de ame vatene ke komîte partî, rêxistin û kesayetanê kurdan de pêvînayîşî kerdî, rewşe ercnaye û seba çareserîye pêşnîyazî girewtî.

Goreyê eşkerayîye KNKyî ra heyetêk bi serekîya Hemserek Ahmed Karamus şi Başûrê Kurdîstanî û dest pê kombîyayîşan kerd. Eşkerayîye de wina ame vatene: ''Seba dîyalog û haştîye herême de înîsîyatîfê cîyayî awan bîyî.  Heyet do nêzdî de bi beşdarîya temsîlkaranê partî, rêxistin û kesayetanê herême Zoom de kombîyayîşêk bikero.''

Komîte venga partî, rêxistin, kesayet û şarê Kurdîstanî da ke seba haştîye û dîyalogan tewirê xo dewam bikerê û paştî bidê xîretê haştîye.