Komîteya Zîndanan a PKK-PAJKî bi eşkerayîyêke vera îşkenceyê girêyê xozî yê Zîndanê Patnosî nêrazîbîyayîşê xo mojna. 

eşkerayîye wina ya:

''Zîndanî laboratuwarê sîstemî yê coka polîtîkayê şerê taybetî hêverî zîndanan de yenê caardene û dima komelî rê yenê vilakerdene. Dişmen tewr zaf rêxistinîya tepişteyan ra terseno. 

Faşîzmê AKP-MHPyî wazeno ke awanîya ma ya rêxistinîye ya zîndanan çin bikero coka pê metodanê şerê taybetî keno ke îradeyê embazanê ma bişikno û têkoşînî ra embazanê ma dûrî bivisno, poşman bikero. Dişmeno ke ney de ser nêkewto, yew bi yewî embazanê ma keno hedef. Xeylêk embazê ma yê cinîyî pê vêşnayîşê înfazê înan raştê ferzkerdişê poşmanîye û kerdişanê tûjan yenê. Nê prosesî de AKP-MHP do bikero ke Hîzbulkontrayî vera ma sey têtikkêşî bişucilno.

Serranê 90an de dewlete dewlete bi destê Hîzbulkontrayî xeylêk merdimê ma pê îşkenceyê girêyê xozî qetil kerdî. AKP-MHPyî Zîndanê Patnosî de embazanê ma Nazliye Barişer, Mizgîne Kayitbey, Lale Abîşer rê no îşkence kerd. Îşkenceyê vera embazanê ma yê cinîyan ê tepişteyan hêrişê vera Rayberîye û komelî yê. Ganî her kes vera îşkenceyê embazanê ma yê Zîndanê Patnosî wayîrê tewirêko cidîyî bibo. AKP-MHPyî waşt ke hêverî serê tepişteyan ê cinîyan de polîtîkayanê şerê taybetî biceribno. Eke vera ney nêrazîbîyayîşêko girseyî nêro mojnayene bi destê Hîzbulkontrayî no îşkence do vilayê komelî bibo. Rayberîye vana 'Cinîya azade komelo azad o.' Coka faşîzmê AKP-MHPyî her ca de cinîyan keno hedef. Hêzê hegemonî coka verê xo danê Rayberîye.

Rayberîye vana 'Eke cuya merdimî azad biba wayîra yew mana ya, nêbo cuye zîndanêko tarî bena.' Kesê ke bi nê hawayî ewnîyenê manaya azadîye zîndan de bibê zî polîtîkayanê şerê taybetî rê bitesîr nêbenê. Ma venga pêro şarê xo û keyeyanê tepişteyan danê ke sere de Rayberîye vera teda û bêhuqûqîya serê embazanê ma yê tepişteyan hîsger bibê.''