Baroyê Amedî ra Mehdî Ozdemîr eşkera kerd ke Komîteya Wezîran a Konseya Ewropa (KE) seba Rayberê Şarê Kurdî Abdullah Ocalanî Tirkîya ra pawitiş waşto.

Avûkat Ozdemîrî derheqê babete de Ajansê Mezopotamya rê qisey kerd û da zanayene ke seba ke Tirkîya birê Mehkemeya Heqanê Merdiman a Ewropa (MHME) nêardî ca tira pawitiş ameyo waştene.

Ozdemîrî vat: ''Goreyê MHME çarçewa heqê hêvîye de cezaya mubede girane newe ra bêra ercnayene. Ma derheqê babete de muracatê komîte kerdbi û înan zî cewab da ma vat ke înan Tirkîya ra pawitiş waşto. Wexto ke Tirkîya pawitişê xo bikera ercnayîşê komîte do bêrê kerdene. MHME cezaya muebede girankerde ya vera Ocalanî xelet dîbî û waştbi ke ceza newe ra bêra ercnayene. La Tirkîya no nêkerd. Seba pawitişî wextê Tirkîya êlule de qedîyeno.''

Baroyê Amedî seba Ocalan, tepişteyan Hayatî Kaytan, Emîn Gurban û Civan Boltanî muracat kerdbi ke 'heqê hêvîye' yê înan ameyo binpykerdene.