Kurdistanijê Ewropa dostanê xo reyde amadekarîyan kenê ke 2ê Teşrîna Peyêne Roja Rojawanî ya Dinya de bikewê meydanan û çalakîyan bikê. Konfederasyonê Komelanê Kurdistanijan ê Almanya (KON-MED) derheqê çalakîyanê şemîyî de beyanato nuştekî weşan kerd.

Bayanat de ame parekerdene ke armancê nê hêrişan çinkerdişê Kurdan o û ame vatene ke wext ame ke na bêexlaqîye, bêhûrmetî û dişmenîye rê vajê 'Hînî bes o'.

"Seba ke cewabo tewr xurt verba hêrişanê îşxalkarîye û qirkerdişî yê Erdoganî rê bêro dayene 2ê Teşrîna Peyêna 2019 Roja Rojawanî ya Dinya de ganî ma bi ruhê yewîya neteweyî tewrê rayraşîyayîşan bibê. Coka ma veng danê şarê xo, şaran, komelanê ke bawerîyanê cîyayan ra yê, şorişgêran, demokratan, hêzanê azadîwaştoxan ke bi hewayêkê xurtî tewrê çalakîyan bibê."

Beyanat de derheqê rayraşîyayîş û mîtîngan de nê zanayîşî rayaumûmîye reyde ameyî parekerdene:

Berlîn-Ca: Alexander platz, Saet: 13:00

Koln-Ca: Hbf, Saet: 13:00

Stuttgart- Ca: Lautenschlagerstraße, Saet: 14:30

Frankfurt-Ca: Hauptbahnhof, Saet:15:00

Darmstadt-Saarland, Rheinland-Pfalz û çend şaristanê BWB'yî , Ca: Luisen Platz, Saet.14:00