KCDK-E û KON-MEDî bi eşkerayîyan vera hêrişanê kîmyewîyan ê dewleta tirke yê serê gerîlayan venga pêro kurdîstanijan da ke vejîyê meydanan û dewleta tirke teşhîr bikerê.

KCDK-E eşkerayîya xo de îfade kerd ke dewleta tirke seba ke pê gerîlayanê azadîye nêeşkena vera înan gazê jehrînî û çeka kîmyewîye xebitnena. KCDK-E venga pêro welatanê Ewropa da ke wa vera hêrişanê Tirkîya tewirê xo bimojnê. KCDK-E vat: ''Wa şarê ma her ca de wurzo payan ser û dewleta tirke teşhîr û protesto bikero.''

KON-MEDî zî eşkerayîya xo de ard ziwan ke 17ê nîsane ra nata dewleta tirke pê hemkarîya PDKyî û paştdayîşê hêzanê mîyanneteweyîyan,  bi giranî hêrişê Başûrê Kurdîstanî kena. KON-MEDî da zanayene ke dewleta tirke nê hêrişan de çeka kîmyewîye şuxilnena û venga dewleta Almanya û welatanê bînan da ke nê hêrişan cibigêrê. KON-MEDî vat: ''Ma venga pêro şarê xo û dostanê xo danê ke cade vejîyê meydanan û bi ruhê seferberîye tewrê çalakîyan bibê.''