KON-MED bale ante tecrîdê 23 serran ê serê Rayberê Şarê Kurdî Abdullah Ocalanî ser û semedê tewrbîyayîşê çalakîyan veng da kurdan.

KON-MEDî vat: ‘‘Tecrîdê Îmraliyî hêrişê vera waştişê cuya azade yê şaran o. Seba ke heme astnegkerdişê vera azadîya Rayberîya  bêrê wedaritene ma do bêmabên têkoşînî rê dewam bikerê. 20 aşmî yo Rayber Apoyî ra xebere nîna girewtene. Ganî CPT cade rolê xo bîyaro ca. CPT û Rayber Apoyî qey pêvînayîş nêkerd? Raber Apo qey nêvejîya pêvînayîşî? CPT qey eşkerayîye nêdano û şarê kurdî ra çi yeno nimitene, ma cade eşkerayîye pawenê.

Sere de hukmatê Almanya, CPT, Konseya Ewropa û heme dezgehê mîyanneteweyîyî ganî cade lezabez têbigêrê. Ma veng danê şarê kurdî û rayapêroyîya hîsgêre ke wa semedê azadîya Rayber Apoyî wirzê payan ser. Heme şar û dostê ma wa her ca de vejîyê waran û tewrê çalakîyan bibê.”