Konferanso Pîl o 4. ê HDPyî yo ke perey Merkezê Kulturî yê Nazim Hîkmetî de dest pêkerdbi, qedîya. Konferans  bi şîarê 'Xoverdayîşo Pîl, Rayraşîyayîşo Pîl' ame kerdene. Hemserekê HDPyî Mîthat Sancar û Pervîne Buldan, Vervatoxa Meclîsê Cinîyan Ayşe Acar Başaran, Endamê Meclîsê Partîye û Heyetê Rayberdişî, Wekîlî, hemserekê şaristanan, Hemvervatoxê HDKyî Esengule Demîr û Cengîz Çîçek, Hemserekê KCDyî Berdan Ozturk, Hemserekê DBPyî Salîha Aydenîz û Keskîn Bayindir, Mayê Haştîye, aktîvîstê TJA zî zî tede 647 delegeyî tewrê konferansî bîyî.

Perey konferans de serebûtê dinya, Rojhhelatê Mîyanênî û Tirkîya ameyî nîqaşkerdene, serê rolê HDPyî de, tewirê muxalefetî yê seba HDPyî û polîtîkayê îqtîdarî yê seba dewamkerdişê tehakumî ameyî qiseykerdene.

Vizêr zî rêxistinbîyayîş, astengîyê vera rêxistinbîyayîş û awankerdişê komara demokratîke ameyî qiseykerdene. Nîqaşan ra dima pêşnîyazê komîsyonan û nîqaşê komîsyonê merkezî ameyî kerdene.

Konferans de seba Rayraşîyayîşê Gemlîkî veng ame dayene, seba têkoşînê vera tecrîdê Îmraliyî veng ame dayene û beşdaranê konferansî îfade kerd ke ê bi qerardarî Komara Demokratîke awan bikerê.

Nîqaş û biran ra dima fotografî ameyî girewtene, konferans bi sloganê 'Biciwîyo xoverdayîşê HDPyî', 'Bê Serek Cuye Nêbeno' qedîya. Peynîya konferansî de cinî û ciwanan govende girewte.

HDP do dima netîcenameyê konferansî eşkera bikero.