Meclîsê Ciwanan ê HDPyî konferansê xo yo pîl o 3. kerd. Vervatoxa HDPyî Ebru Gunay û Vervatoxa Meclîsê Ciwanan ê HDPyî Dêrsime Dag konferans de qisey kerd.

Dêrsime Dag girîngîya rêxistinîye ser o qisey kerd û vat: ''Ciwanê ke serkêşê şarî yê, ma reyna dî ke ganî bi rolê xo têbigêrê. Her ca de vera destkewteyanê kurdan hêrişî est ê. Ganî nê prosesî de ciwanî serkêşîya têkoşînî bikerê. Îqtîdarê AKP-MHPyî vera ciwanan polîtîkayanê şerê taybetî ana ca. Ganî ciwanî vera ney têkoşînî berzêr bikerê. Ma sey Meclîsê Ciwanan ê HDPyî qirkerdişan, tecrîdê vera Abdullah Ocalanî, polîtîkayanê şer û înkarî qebul nêkenê.  Qirkerdişê Parisî yê 23yê kanûne de zî dewamê tecrîdî yo. Ma şexsê hîrê şehîdanê Parisî de soz danê ke cuya xo azad bikerê. Ma venga pêro ciwanan danê ke binê sîwana HDPyî de xo rêxistin bikerê.''

Dage ra dima Gunaye zî qisey kerd û ard zian ke Qirkerdişê Parisî yê 23yê Kanûne tesaduf nîyo û ê do hesabê pêro qirkerdişan bipersê. Gunaye îfade kerd ke HDP partîya cinîyan û ciwanan a. Gunaye vat: ''Ciwanî vera hêrişan xo ver danê xo rêxistin kenê. Wext wextê berzkerdişê têkoşînê vera tecrîdî yo. Seke Birêz Ocalanî vat 'ma bi ciwanîye dest pêkerd, do bi ciwanîye ser bikewê.' Hêzo ke do tecrîdî bişikno, ciwan ê.''