Unîversîteya Duisburg-Essenî (UDE) de bi paştdayîşê xeylêk dezgehan 18-20ê teşrîna peyêne de bi sernameyê ''Terteleyo Nênaskerde: Dêrsim 1937-1938'' do Konferansê Mîyanneteweyî yê Dêrsimî bêro kerdene.

Konferaso ke serrgêra dardekerdişê Seyîd Riza û embazanê ci de yeno kerdene xeylêk merdimî zanîstî û nuştoxî do tewrê ci bibê. Roniştişê ke unîversîte de do bêrê kerdene rîyê janê Korona ra do Youtube û Zoom de bêrê parekerdene.

Konferanso ke Academy in Exile, Komeleya Ciwanan ê Elewîyan,Weqfa Bedilnayîşê Akademîkî ya Dêrsimî, Kulturo Global, Multicultural Forum eV,  Unîversîteya Duisburg-Essenî, Rosa Luxemburg Foundation ng NRW eV., Şaredarîya Essenî, Merkezê Wendekaran ê Ewropa, Federasyonê Yewîyanê Elewîyan ê Ewropa, Federesyonê Komeleyanê Dêrsimî yê Almanya û Komelê Kurdan ê Almanya paştî danê ci do hîrê rojî bidomîyo.

Konferans de derheqê Dêrsimî de do xeylêk babetê muhîmî bêrê destgirewtene. Sedat Ulugana, Kristin Platt, Tessa Hofmann, Burak Çapur, Zeynep Turkyılmaz, Taner Akçam, Stefan İhrig û xeylêk kesê bînî sey nê nameyan do sey qiseykerdoxan konferans de cayê xo bîgirê. Konferans roja şemeyî bi deyîranê hunermenadanê dêrsimijan Gule Meyera, Mikail Aslan û Maviş Guneşerî do biqedîyo.

Şima eşkenê adresê  (youtube.com/c/AcademyinExile) ya zî eke verî ra qeydê xo bikerî, Zoomî ser ra  ([email protected]) konferansî sey online teqîp bikerê.