Partîya Çep a Keske bi beşdarîya bi seyan delegeyan seba newe ra awankerdişî roja diyîne de 'Konferansê Pîlî' rê dewam kena. Konferans Merkezê Kulturî yê Nazim Hîkmetî de Anqara de yeno kerdene.

Roja yewine ya konferansî de pêşnîyazî ameybî kerdene. Hemvervatoxanê Partîya Çep a Keske dabi zanayene ke înan bi beşdarîya 30 hezar kesan kombîyayîşê şarî kerdbî û bi nê hawayî rexneyî ardbî pêser.

Roja diyîne de vurîyayîşê tuzukî zî tede xeylêk babetî do bêrê nîqaşkerdene. Reyna babetê sey çareserîya meseleya kurdan, sîyasetê demokratîkî, îtîfaq û rayîrê hîrêyînî, rêxistinîya kede, ekonomî û demokrasî zî do bêrê nîqaşkerdene.

Wina pawîyeno ke konferans de xeylêk pêşnîyazî sey biran bêrê qebulkerdene.