Partîya Karkeran a Îngîlîstan konferansê xo yê serrane bajarê Brightonî de kerd. Konferans de roniştişê 'Ocalanî rê Azadîye' ame kerdene.

Kombîyayîşo ke hetê Hemserekê Kampanyaya 'Ocalanî rê Azadîye' Simon Dubbinsî ra ame îdarekerdene de Baroness Christine Blowers, Wekîl û Serekê Grûba Dostîya Kurdan a Têmîyanî ya Parlamentoyî Lloyd Russell Moyle,Wekîla Sin Feinî Chris Hazard û Hemsereka Meclîsê Şarî yê Brîtanya Elîfe Sarican û Wekîlê HDPyî Hîşyar Ozysoy sey qiseykerdoxî tewrê ci bîyî.

Qiseykerdoxan qirkerdişê dewelta tirke yê vera şarê kurdî ercnayî û ard ziwan ke heta ke Abdullah Ocalan azad nêbo hatştîye, demokrasî û azadîye nînê herême.

Hemserekanê Kampanyaya 'Ocalanî rê Azadîye' Simon Dublins û Christine Blowersî  ard ziwan ke ê do çarçewa kampanya de dewrê neweyî de xebatanê xo pratîk de xurtêr bikerê û falîyetanê xo yê paştdayîşê şarê kurdî bidomnê.