Wezîrê Weşîye yê Tirkî Fahrettin Kocayî derheqê janê Korona de hesabê xo yê Twîtterî ser ra zanayîş da. Goreyê eşkerayîye Kurdîstan û Tirkîya de rîyê janê Korona ra heta ewro pêro pîya 1643 kesan dinyaya xo bedilnaye û 74. 193 kesî pê nê janî kewtî.

Hetê bînî ra pêroyîya dinya de zî 2 mîlyon û  nizdê 100 hezar kesî pê janê Korona kewtî û hûmara kesanê ke nê janî ra merdî 138 hezaran ra ravêrte.