Bado ke Tirkîya eşkera kerd ke ê do leşkeran bişawê Lîbya, Wezîrê Karanê Teberî yê Fransa, Îtalya,Yunanîstan û Qibrisî do roja çarşeme paybetextê Misirî Kahîre de bêrê pêser.

Wezîrê Karanê Teberî yê Misirî Sameh Sukrî da zanayene ke ê Wezîrê Karanê Teberî yê Fransa, Îtalya,Yunanîstan û Qibrisî dawetê Kahîre kerdî. Wezîrîya Karanê Teberî da pêhesnayene ke ê do 8ê çeleyî de Kahîre de derheqê rewşa Lîbya de bi wezîranê Ewropa munaqeşe bikerê.

Serekkomarê Tirkî Recep Tayyîp Erdoganî şewa yewşeme dabi zanayene ke înan dest pêkerd ke leşkeran bişawê Lîbya.