Bajaranê Almanya, Awusturya û Swêdî de vizêr reyna semedê paştîdayîşê serewedaritişê Rojhelatê Kurdîstanî  û Îranî çalakîyî ameyî kerdene.

Bajarê Orebroyî yê Swêdî de cinîyan semedê şermezarkerdişê qetilkerdişê Jîna Emînî mîtîngêk kerd. Qiseykerdişan de mesajê xurtkerdişê têkoşînî ameyî dayene.

Bajarê Frankfurtî yê Almanya de zî cinîyî serkêşîya Women Defend Rojava  û Meclîsê Cinîyan ê Amara de ameyî têhet. Cinîyan vat ê nêtersenê, çunke slogana înan Jin Jiyan Azadî ya.

Bajarê Siegenî yê Almanya de bi seyan kesî semedê paştdayîşê cinîyan ê Rojhelatî yê ke bi rojan o kuçeyan de yê, ameyî têhet. Çalakîya ke hetê Meclîsê Cinîyan ê Pakîze Nayir ra ameye kerdene serewedaritişê cinîyan ame selamkerdene.

Bajarê Grazî yê Awusturya de zî serkêşîya organîzasyonanê femînîstan de cinîyê ke ameyî têhet polîtîkaya qirkerdişê cinîyan ê Îranî şermezar kerde û paştî daye serewedaritişê cinîyan û şaran.