Kudîstanijê ke Hollanda, Almanya û Belçîka ra verê OPCWyî de ameyî têhet bale ante ser ke dewleta tirke vera kurdan çekanê kîmyewîyan şuxulnena û watş wa dezgehê eleqedarî goreyê qanûnê xo têbigêrê.
Vera hêrişanê dewleta tirke yê vera Herêmanê Pawitişî yê Medya yê ke pê çekanê kîmyewîyan yenê kerdene bajarê Den Haagî yê Hollanda de ameyî şermezarkerdene.
Kudîstanijê ke Hollanda, Almanya û Belçîka ra ameyî têhet verê Parlamentoyê Hollanda ra heta Rêxistina Qedexekerdişê Çekan ê Kîmyewîyan (OPCW) rayraşîyayîş kerd.
Verê parlamentoyî de eşkerayîya KCDK-E ameye wendene û bale ante ser ke dewleta tirke ya ka NATO û dezgeh û hêzanê Ewropa ra paştî gena vera gerîlayanê azadîye çekanê kîmyewîyan şuxulnena.
Dima ra pê sloganan rayraşîyayîş ame kerdene û verê banê OPCWyî de mîtîngêk ame kerdene. Tîya hetê îdarekaranê dezgehan û sîyasetmedaranê kurdan ra eşkerayîyî ameyî kerdene.
Qiseykerdişan de ame vîrvistene ke tarîxanê cîya cîyayan de cayanê sey Dêrsim, Efrîn, Halepe, Amed, Serêkanîyê yê Kurdîstanî de bi hewayêkî sîstematîkî çekê kîmyewîyî ameyî şuxulnayene û ame vatene ke ewro zî pê paştdayîşê Ewropa çekê kîmyewîyî yenê şuxulnayene. Qiseykerdişan de ame vengdayene ke wa OPCW û dezgehê eleqedarî derheqê çekanê kîmyewîyan goreyê huqûqê xo têbigêrê.
