Semedê protestokerdişê çekanê kîmyewîyan ê ke dewleta tirke vera gerîlayan şuxulnena verê Dîwanê Edaletî yê Laheyî yê Hollanda de çalakîye ameye organîzekerdene.

Çalakwanan ard ziwan ke dewleta tirke vera Herêmanê Pawitişî yê Medya çekanê kîmyewîyan şuxulnena û sûcê şerî kena û veng da komelê mîyanneteweyî ke hîsgêr têbigêro.

Kurdê ke Ewropa de ciwîyenê û dostê înan  ê ke vera şuxulnayîşê çekanê kîmyewîyan verê Dîwanê Edaletî yê Laheyî de ameyî têhet do heta verê Rêxistina Qedexekerdişê Çekanê Kîmyewîyan (OPCW) rayra şirê. Kurdî OPCWyî wazenê ke wa berpirîyasîya xo bîyaro ca û heyetêk bişawo Kurdîstanî.