Kurdîstanijanê Rûsya Keyeyê Kurdan ê Moskova de Qirkerdişê Parisî protesto kerd û eşkerayîyêke daye. Eşkerayîye hetê Hemsereka Têgêrayîşê Cinîyan ê Kurdan ê Mîyanneteweyî Cûlîyeta Aram ra ameye wendene.

Cûlîyeta Aram dîyar kerd ke peyê nê qirkerdişî de dewleta tirke ya faşîste est a û hêzê komplogerî zî paştî danê ci. Arame îfade kerd ke Qirkerdişê Parisî yê 23yê Kanûne û 9ê Çeleyê 2013î çarçewa konseptê îmha û înkarî de ameyê kerdene.  Arame waşt ke nê qirkerdişî wa bêrê roşnîkerdene.

Eşkerayîye de dîya zanayene ke kurdî do heta peynî cewabê qirkerdişan bidê û wayîrê Rayberê Şarê Kurdî Abdullah Ovcalanî vejîyê.