Dîya zanayene ke Zîndanê Kurkçulerî de tepişteyan rê îşkenceyê cigêrayîşê rûtî ameyo kerdene.

Tepişteyan ra Bariş Aydinî pêvînayîşê keyeyî de qala îşkenceyî kerde. Aydinî pare kerd ke ê 3 rojî verî Tîpê Fyî ra sewqê Tîpê Tyî bîyî û vat: ''Ma dekewtişê zîndanî de raştê îşkenceyê cigêrayîşê rûtî ameyî.''

Aydinî ard ziwan ke zîndan de awa şimitişî, dîyayîşê kitaban yenê sînorkerdene û tepişteyan rê tedaya psîkolojîke yena kerdene.