Taxa Kayacikî ya qezaya Kestelî ya Bursa de netîceya laserî de 5 ferdê keyeyê çewlgijî bîyî vîn. Cigêrayîşan ra dima înan ra meyîtê 4 kesan ameyî dîyene.

Taxa Kayacikî ya qezaya Kestelî ya Bursa de  laser qewimîya. Wextê laserî de keyeyê Bîlenî yo ke qezaya Dara Hênî ya Çewlîgî ra koçê Bursa kerd, kişta layî de axpînê xo de bi. Laserî bi hawayêkê xirabî tesîr kerd û 5 ferdê keyeyê Bîlenî laser de şîyî. Xebata cigêrayîşî ra dima hêverî meyîtê kênaya 5 serre ya keyeyî ame dîyene. Meyîtê kêna ra 500 metreyan ra wetêr zî meyîtê 3 ferdan ê bînan ê keyeyê Bîlenî ameyî dîyene. Cenazayê ferdanê keyeyê çewligijî wedarîyayî morgê nêweşxaneyî.

Keyeyê Bîlenî ra hema zî ferdêk/e vînbîyaye yo/ya. Xebata cigêrayîş û xelisnayîşî dewam kenê.