Koçberê ke serê sînorê Wan-Îranî de tepişîyenê, hetê leşkeranê tirkan ra yenê zûtkerdene û mîyanê vewre de bi rojan verdîyenê. 

Kesê ke îqtîdarê Îranî ra remenê sînorê Wan-Îranî de benê hedefê leşkeranê tirkan û înan rê îşkence yeno kerdene. Menga kanûne de komêka îranijan Wan de hetê leşkeranê tirkan ra tepişîyaye. Nê îranijî ameyî zûtkerdene û bi nê hawayî mîyanê vewre de ameyî dergkerdene. Îranijî bi saetan raştê îşkenceyî ameyî û dima bi hawayêkê zûtkerdeyî erşawîyayî serê sînorê Îranî. 

Nê merdimê ke serra înan mabênê 15-35 de yê reyna xîret kenê ke rejîmê Îranî ra biremê. Nê merdiman ra kesê 35 serrî wina qala serebûtî kerde: ''Ez Tehran de manena. Dima ke Jîna Emînî ameye qetilkerdene mi zî vera rejîmî şer kerd. Dima hêzanê Îranî eşt keyeyê mi ser û mi îşkence dî. Keyeyê mi ez erşawita Tirkîya. Gefê kiştişî ra ez neçare menda ke Îranî biterikna. Dima ke ez ameya Wanî leşkeranê tirkan ez û 5 kesê bînî tepiştî. Bi rojan ma îşkence dî. Leşkeran binê vewre de bi saetan ma verdayî û ma rê îşkence kerd. Her cayê mi birîn kerd. Leşkeran dima ma berdî hetê Îranî. Seba ke ez nêkewa destê rejîmê Îranî ez do reyna derbazê Tirkîya biba.''