Şaristanê Limasolî yê Kibrisî de seba ke sûcê şerî yê dewleta tirke ya îşxalkere bêrê teşhîrkerdene serkêşîya Têgêrayîşê Ciwananê Şorişgêran, Înîsîyatîfê Cinîyan û Meclîsê Şarê Kurdî de çalakîya xeyme dîyaye destpêkerdene.

 Çalakîye de derheqê hêrişanê kîmyewîyan ê dewleta tirke de vilawekî ameyî vilakerdene. Sîyasetmedar Kamîl Akalinî çalakîye de qisey kerd û da zanayene ke Limasolî ra dima ê do Larnaca, Nicasia û verê Sersefîrîya Amerîka de seba teşhîrkerdişê sûcanê dewleta tirke rayraşîyayîşan do bikerê.

Akalinî vat: ''Bi na wesîle ma venga pêro şarê xo yê Kibrisî û dostanê xo danê ke tewrê nê rayraşîyayîşî bibê.''