Paytextê Îngilîstanî London de vengdayîşê Meclîsê Şarê Kurdî û Têgêrayîşê Ciwananê Şorişgêran (TCŞ) ser o kurdîstanijan vera hêrişanê Tirkîya yê serê Herêmanê Pawitişî yê Medya waşt çalakîyêke bikerê. Enternasyonalîstan zî paştî daye çalakîye.

Hêrsê vera dewleta tirke ya îşxalkere û hemkarîya PDKyî morê xo da binê çalakîye. Qiseykerdişan de ame vatene ke PKK hêvîya şaran o û xeta PDK û dewleta tirke do qetî ser nêkewa.

Qiseykerdişan ra dima şarî dest pê rayraşîyayîşê xo kerd. Wextê rayraşîyayîşî de faşîstan xîret kerd ke provakasyon bikerê. Dima polîsan waşt ke ciwanan bindest bigêrê. Naye ser o mabênê polîsan û girseyî de alozîye vejîyaye. Polîsan dima hêrişê girseyê çalakîye kerd. Netîceya hêrişê polîsan de xeylêk kesî birîndar bîyî. Kedkarê Rojnameyê Yeni Ozgur Politika Renan Gundogdu zî tede 5 kesî ameyî destbendkerdene. 

Hêrişê polîsan ra dima girseyî verê trafîkî girewt.