Paytextê Îngîlîstanî Londra û şaristanê Bardeauxî yê Fransa de bi tewrbîyayîşê girseyan Qirkerdişê Mereşî ame protestokerdene

Londra

Londra de rêxistinanê girseyan ê demokratîkan serrgêra ci ya 41. de Qrikerdişê Mereşî şermezar kerd. Nameyê dezgehan ser o nuştox Alî Erdogan eşkerayîyêka hempare daye. Erdoganî vat: "Hetê nîjadperestanê dewlete û sermayedaranê ke Têgêrayîşê Azadîye yê Neteweyî yê Kurdan ra û têgêrayîşê roşnîye ra hes nêkerdene ra no qirkerdiş ame kerdene.Tarîxê elewîyan de zaf qirkerdişî estê. Cewherê elewîtîye no yo ke ganî merdim xo mazlûman ra sîper biko. Heta ke yewîye nêra awankerdene, nê qirkerdişî do dewam bikê."

Bordeaux

Seba protestokerdişê serrgêra 40. ya Qirkerdişê Mereşî şaristanê Bordeauxî yê Fransa de çalakîyêke ameye kerdene. Nêzdîyê 400 kesî tewrê çalakîye bîyî. Çalakîye de hêrişê qirkerî û îşxalkerî yê dewleta tirke û Qirkerdişê Mereşî û Roboskî ameyî protestokerdene. Çalakîye de polîtîkayê qirkerî yê dewleta tirke ameyî protestokerdene û qiseykerdişî ameyî kerdene. Qiseykerdişan de mesajê ''Çarenusê kurdan qirkerdiş nîyo, kurdî eşkenê bi yewîya neteweyîye yewîya xo ronê.'' ame dayene. Çalakîye bahoz ra rew qedîyaye.