Şaristanê Lozanî yê Swîsre de verê bînaya ke tede Peymana Lozanî amebî îmzakerdene 10ê temmuze de rayraşîyayîşê 3 rojan dîyabi destpêkerdene. Rayraşîyayîş vizêr verê Neteweyanê Yewbîyayeyan ê Cenevre de pê nawnayîşêkî qedîya. Kombîyayîşê Neteweyan ê Yewbîyayeyan ê derheqê heqanê merdiman û nawnayîş heman saete de ameyî kerdene.

Nawnayîşê pê rêzgirewtişî dest pêkerd. Hemserekê KNKyî Ahmed Karamusî nawnayîş de qisey kerd. Karamusî pare kerd ke 98 serrî verî pê Peymana Lozanî Kurdîstan ame parçekerdene û ewro zî pê destê Trikîya û paştdayîşê Amerîka, NATO, Rûsya hêrişê vera kurdan dewam kenê.

Şaredarê verênî yê Cenecre Remy Paganiyî zî ard ziwan ke ganî wayîrê têkoşînê kurdan bêro vejîyayene. Çalakîye de Hemsereka Partîya Sosyalîste Lydia Schneider, Aktîvîsta TJK-E Meryeme Ca û Temsîlkarê Aveg-Konî Alî Orakî qisey kerd. Heyetê Defend Kurdistanî zî derheqê qirkerdiş û îşxalî de dosyayêke daye NY.

Çalakîye pê sloganan qedîyaye.