Seba Yewîya Neteweyî ya Kurdîstanî-Ewropa eşkerayîyêka nuştekîye weşanaye. Eşkerayîye de ame vatene: ''Nameyê partî û dezgehanê Kurdîstanî yê Ewropa ma serebûtan ra ke Xanaka de qewimîyenê ra tersenê. Wextêk de ke waştişê seba yewîya neteweyîye zêdîyayî, roşnvîr, hunermend û şar waştişanê xo yê seba yewîya neteweyî berz kenê, şerêko gemarin ê mabênê partîyanê kurdan têna dişmenan rê fayde keno û zerarêkê pîlî dano ameyoxê şarê Kurdîstanî.

Sere de Tirkîya welatê kolonyalîstî yê Kurdîstanî, seba ke verê yewîya neteweyî ya kurdan bigêrê û nêverdê ke kurdî xurt bibê, pêro lîstik û sîyasetê qemarinî kenê. Bi nê hawayî wazenê kurdan yewbînan ra cîya bikerê û şer bivejê. Yewîya Neteweyîye xizmetê şarê Kurdîstanî û ameyoxî kena, tewiro parçebîyaye û şerê vera yewbînan zî xizmetê dişmenan kenê, verê qirkerdişan akenê.''

Dewletê Tirkîya û Îranî seba ke serwerîya xo bizêdînê û kurdan qels bikerê, wazenê na rewşe ra fayde bivînê û armancanê xo bîyarê ca. Seba vergirewtişê nê polîtîkayan ê gemarinan ê dişmenan û pûçkerdişê înan ma venga partîyanê kurdan kenê ke na mesele nêkerê krîz û şerd û bi rayîrê dîyalogî çareser bikerê. 

Nameyê partî û dezgehanê Kurdîstanî yê Ewropa ser, seba pûçkerdişê kayanê dişmenanê ma yê ke wazenê Başûr çin bikerê, seba xurtkerdişê yewîya neteweyîyye ya kurdan ma do 19ê nîsane de saete 16:00 de medyaya komelkîye ser o dest pê kampanya bikerê. Ma venga kurdîstanijan danê ke tewrê na kampanya bibê.''