Margarete Owen azadîya Abdullah Ocalanî waşte
Pawitoxa heqanê merdiman Margarete Owena ke Îngilîstanî ra ya, azadîya Abdullah Ocalanî waşte û Ocalan sey ''Mandelayê kurdan'' pênase kerd.
Pawitoxa heqanê merdiman Margarete Owena 88 serra ke Îngilîstanî ra ya, hesabê xo yê twitterî ser de bi mesajêkî azadîya Abdullah Ocalanî waşte û Ocalan sey ''Mandelayê kurdan'' pênase kerd.
Owene fotografê xo yê bi pankarta seba azadîya Ocalanî vila kerd û no mesaj ser de nuşt: ''
''Ganî Ocalan azad bibo. 23 serrî yo o Îmrali de hucre de yo. O 'Mandelayê kurdan' o ke Rojhelatê Mîyanênî de mefteyê haştîye yo. Nuşteyê ci yê zîndanî seba xurtkerdişê têdûştî, edalet û cinîyan o.''
#ocalan must be free. 23 years in solitary confinement on Imrali. He is the Kurdish “Mandela”.,key to peace in the Middle East. His prison writings describe a new world order for equality , justice, womens empowerment. pic.twitter.com/qaMKJfxheF
— Margaret Owen (@ElectionMargie) March 8, 2022
Owene Endama Înîsîyatîfê Kurdîstanî rê Haştîye ya û 2021 de seba ke medayay dîjîtale de waştbi ke qedexeyê vera PKKyî wedarîyo û fotografê xo yê bi şerwananê YPG û YPJyî vila kerdî derheqê ci de dewa amebî akerdene. Owene o çax wina venga hukmatê Îngilîstanî dabi: ''Karanê xo yê gemarinan ê bi dewleta tirke ra fek vera bidê.''
