Merkezê Komelê Demokratîkî yê Kurdan ê Marsilya aşma çalakîyan a bêmabêne dayebî despêkerdene.  Vizêr verê Parlamentoyê Ewropa de semedê azadîya Rayberê Şarê Kurdî Abdullah Ocalanî Nobeta Azadîye ameye tepiştene.

Şaro ke verê temsîlkarîye de ame têhet pê pankartê 33 ziwanan de Ocalanî rê Azadîye û dest pê nobete kerd û slogananê kurdkî, tirk  firansizkî azadîya Ocalanî waşte. Çalakîye de bi ziwananê cîya cîyayan vilawekî ameyî vilakerdene. Dima ra derheqê felsefeya Ocalanî û sîstemê tecrîd û Îmraliyî de qiseykerdişî ameyî kerdene. Qiseykerdoxan veng kerd CPT û dezgehanê eleqedaran ê Ewropa ke wa berpirsîyarîya xo bîyarî ca ke tecrîd bêro şiknayene. Çalakîye de ame vatene ke kurd do tim wayîrê Rayberê xo vejîyê û heta azadîya ci ya fîzîkîye tim payan ser bê.