Bajaranê Marsilya û Bordeauxî yê Fransa de hêrişê kîmyewîyî ameyî şermezarkerdene.

Marsilya de şar hîrê rojî yo kuçeyan de yo. Ewro reyna bi hezaran kesî vejîyayî waran. Welatperweranê kurdan mekteb û cayê karî boykot kerdî û tewrê çalakîye bîyî. Çalakwanan pê kincanê sipîyan bale ante çekanê kîmyewîyan ser. Çalakwanan merkezê bajarî de hendê panc deqayan çalakîya roniştişî kerd û rayîrê trafîkî qefilna û dima ra verê Walîtîye de tabutêk na ro. Qiseykerdişan de veng dîya welatanê Ewropa ke wa bêveng memanê û kurdan ra ame waştene ke wa wayîrê gerîlayan bivejîyê.

Bordeaux de zî verê Walîtîye de çalakîye ameye kerdene. Çalakwanan sey temsîlê hêrişanê kîmyewîyan kincê sipîyî kerdî piray fotografê 17 gerîlayanê ke pê çekanê kîmyewîyan ameyî şehîdkerdene  kiriştî.