Fransa de dima ke sereyê mamostayêke cêra ame kerdene 'Şertê Krîteranê Îskamê Fransa'  ameyî amadekerdene û roja yewşemeyî xeylêk dezgehan nê şertî îmza kerdî.  Labelê Mîllî Goruş û Komîteya Koordînasyonê Tirkan ê Misilmanan a Fransa (CCCTM), 3 federayonanê CFCM û Federasyonê bi nameyê Foi et Pratique yê ke terefgîra AKPyî yê krîterî îmza nêkerdî.

Le Figaro û AFPyî derheqê nê biran de ca da vatişanê selahîyetdarêkê berzî yê Wezaretê Karan ê Zereyî. Selahîyetdarêkê wezaretî vat: ''Îmzakerdişê nê krîteran dramêk bîyo. Eqsê ci ma armancê înan raşt vînenê.'' Selahîyetdarî wina zî vat: ''Maskeyî kewtî war'' û ard ziwan ke ganî pêro dezgehê îslamîyî na babete de mesuldarîya xo bîyarê ca.