Maya Haştîye Sakîne Arat ke bi serran kede dabî têkoşînê azadîye yê kurdan, vizêr Amed de dinyaya xo bedilnabî.

Dayîke Sakîne ewro Goristanê Yenîkoyî yê qezaya Rezanî yê Amedî de ameye definkerdene. Mayê Haşrtîye, Hemsereka DBPyî Çîgdeme Kiliçgun Uçar, wekîlê DEM Partî û temsîlkarê partîyan û rêxistinanê komelê sivîlî zî tewrê definkerdişî bîyî.

Mayanê Haştîye bi sloganê ‘Şehîd Namirin’ cenaza berde goristanî. Maya Haştîye Muruvete Demîr cenaza de vat: ‘’Waştişê dadîyan tim haştîye bîye. Zerrîya ma vêşaye, wa hinî zerrîya ê bînan nêvêşa.’’

Maya Haştîye Nezahate Teke zî vat: ‘’Hêvîya haştîye daye ma. Ma do têkoşînê Sakîne rê dewam bikerê.’’

Seba dayîke Sakîne Keyeyê Şînî yê Odabaşi Balî de şîn ronîya.