Mayan/Merdimanê  Şemeyî hewteyê 964. de çalakîya xo kerde. Hemsereka Pêroyî ya ÎHDyî Erene Keskîn, Temsîlkarê TÎHVyî Umit Efe, Wekîla Partîya Çep a Keske ya Agirî Hevale Bozdag û xeylêk kesî no hewte tewrê çalakîye bîyî.

Mayan ke  waşt semedê persayîşê aqibetê merdimanê xo yê ke bi destê dewlete ameyî vînîkerdene û muhakemekerdişê qetilkaran, ver bi Meydanê Galatasarayî rayra şirê reyna raştê astengkerdişê polîsan ameyî.

Mayan ra Hanife Yildiz vera hêrişê polîsan hêrsê xo ard ziwan û vat: ''Mi ewladê xo dayo, ez ewladê xo wazena. Mi rê aqibetê lajê mi eşkera bikerê. Şima bi xo qanûnê xo binpay kenê. Ma dewaker ê. Gama ke nê merdimî ameyî vînîkerdene şima ça de bê.''

Polîsan vilekê ke destê mayan de bê ê zî destê înan ra girewtî eştî erd û Mayê Şemeyî, Erene Keskîn û Umit Efe zî tede xeylêk kesî destbend kerdî.