Mayanê Şemeyî çalakîya xo ya hewteyê hezar û 46inî de, Meydanê Galatasarayî de aqîbetê Omer Olkerî pers kerd. Omer Olkero ke babîyê di domanan bîyo, 15ê nîsana 1994î de şibi berberî la vinî bibi û dima cenazaya ey amebî dîyene.

Çalakîye de Komîsyonê Vinîbîyayeyan ê Komeleya Heqanê Merdiman ra Sebla Ercan metnê çapemenîye wend.

Sebla waşt ke wa faîlê Omer Olkerî bêrê muhakemekerdene.

Çalakîkeran qeranfîlî nayî Meydanê Galatasarayî û dima çalakîye qedîyaye.