Mayanê Şemeyî û pawitoxanê heqanê merdiman Meydanê Galatasarayî de hewteyê 995inî de seba Kadîr Keremogluyî çalakîya xo kerde ke o 14ê nîsana 1995î de Wan de hetê JÎTEMî ra amebi qetilkerdene.

Kênaya şaîr Metîn Altioko ke Qirkerdişê Madimakî de amebi qetilkerdene Zeynepe Altinok zî beşdara çalakîye bîye. Hemsereka ÎHDyî ya Îstanbulî Gulserene Yolerî eşkerayîye wende.

Lajê Keremogluyî Bahattîn Keremogluyî çalakîye de wina vat: ''Babîyê mi 29 serrî verî ame remnayene û înfazkerdene. Ma dewlete ra edalet waşt û waşt ke wa gorê babîyê min est bo.''

Qiseykerdişan ra dima Mayanê Şemeyî meydan de qeranfîlî nayî ro.