Fermandarê Pêroyî yê  Hêzanê Sûrîyeya Demokratîke (QSD) Mazlûm Ebdîyî seba ke vera keyeyê ci pê SÎHAyan hêriş ame kerdene Serekwezîrê Iraqî Mustafa Kazimî rê mesajê paştdayîşî şawite.

Ebdîyî mesajê xo de hedefgirewtişê Kazimîyî sey hedefgirewtişê demokrasî, îstîkrar û asayîşî hesibna û seba ke hêriş de zirarêk nêresayo ci kêfweşîya xo ard ziwan. Ebdîyî vat ê hêvî kenê ke hêrişkarî demo kilm de bêrê tepiştene û ard ziwan ke semedê têkoşînê hemparî yê vera terorî ê kişta Iraqî de yê. Mazlûm Ebdîyî vat ê sey QSDyî hêrişî şermezar kenê û semedê Kazimî û şarê Iraqî asayîş û îstîkrar wazenê.