Meclîsê Cinîyan ê HDPyî netîcenameyê kombîyayîşê xo yê 10ê teşrîna verêne eşkera kerd. Meclîsê Cinîyan qurbanê Qirkerdişê Anqara yad kerdî û sozê xo dibare kerd ke ê do xeyalê înan ê demokrasî û edaletî bîyarê ca.

Netîcename de nê çîyî ameyî eşkerakerdene:

''Îqtîdarê AKP-MHPyî hêrişê xo yê talan û destsernayîşî resnayî astêka bîne. Bi operasyonan yeno waştene ke HDP bêro çinkerdene û faşîzm serwer bibo. Cinîyê ciwanî yenê kerdene armancê polîtîkaya şerê taybetî.

Têkoşînê cinîyan beno hedef, dest nîyeno destkewteyanê cinîyan û faşîzmê serdestîya camêrdan vila beno.  Tewr peyên zî embaza ma Hemşaredara Qersî Şevîn Alaca ameye hedefkerdene.

Komployê 9ê Teşrîna Verêne 22 serrî yo ke dewam keno. Çareserîya demokratîke ya dewaya kurdan binê tecrîdî de ya. 

Rejîmê AKP-MHPyî demokrasî qedînaye, sîstemê edaletî herimna û ekonomî rijna. Cinîyî waranê cuye ra yenê teberkerdene. Ma do vera nê kerdişan zî têkoşînê xo dewam bikerê û teslîmê faşîzmî nêbê. Ê vanê qey HDP do bin bikewo. Ma do miradê înan qirikê înan de verdê. Caardişê Peymana Îstanbulî bingeyê têkoşînê ma yo.

Ma do destûr nêdê faşîzmî.''