Meclîsê Kede yê HDKyî bi sloganê 'Sermayedaran rê nê kedkaran rê budçe bidê' qezaya Kadikoyî ya Îstanbulî de eşkerayîye daye. Wekîlê HDPyî Musa Pîroglu, Hemvervatoxa HDKyî Îdîle Ugurlu zî tede xeylêk kesî tewrê çalakîye bîyî.

Wekîla HDPyî Musa Pîroglu pare kerd ke di pêvînayîşê budçe yenê kerdene û vat: ''Yew salona Meclîsî de oyo bîn zî mabênê patron û îqtîdarî de yo. Bedçeya Meclîsî bîye 'ma senî pereyan bidê patron, qesre, sermaye, terefgîranê îqtîdarî.'No îqtîdar armanc keno ke zengînan bikerê zengînêr. Coka ganî ma budçeya şarî geşêr bikerê.''