Meclîsê Neteweyî yo ke baska cêrêne ya parlamentoyî yo, Serekê Komîsyona Karanê Teberî Marîelle de Sarnezî vernîyazê qerarî amade kerd û vernîyaz bi paştdayîşê parlameteranê pêroyînan ame qebulkerdene.

Marîelle de Sarnez raydayîş de qisey kerd û vat: "Ma hêrişanê Tirkîya yê verba Vakur û Rojakewtena Sûrîye bi hewayêkê tewr pêt mehkûm kenê." Seba qedînayîşê hêrişan veng da. Vernîyaz de têkoşîno bêhempa yê hêzanê QSD'yî yê verba çeteyanê DAÎŞ'î ame vîrvistene û seba QSD'yî "paştdayîşo bêpeynî'' ame dibarekerdene. Sûcê verba merdimîye yê ke çeteyanê Artêşa Tîrkî hêrişan de kerdî ameyî vîrvistene.

Marîelle de Sarnezî vat: "Şermezarkerdişo ke ma ewro bi temamê rayan kenê ganî bivurîyo 'çalakîyê bi qerarî'." Temsîlkaranê partîyê ke koma înan Meclîsê Neteweyî de estê, derheqê vernîyazî de qisey kerd û hêrişê îşxalkarîye yê Tirkîya bi hewayêkê pêtî şermezar kerdî. Temsîlkaranê partîyan veng da hukmatê Fransa ke wa bêveng nêmano. Wezîrê Karanê Teberî yê Fransa Jean-Yves Le Drîanî qerarê Meclîsê Neetweyî silam kerd û ard ziwan ke na rewşa stratejîke de ganî Ewropa gamêka rastekên bierze.