Meclîsê Xoserîya Demokratîke yê Şengalî derheqê kiştişê seçeteyê DAÎŞ'î Ebûbekîr El Bagdadî ke netîceyê operasyonê hemparî yê QSD û DYA de dewa Îdlbî ya serê sînorê Tirkîya de ame kiştene de eşkerayîyêk daye.
Eşkerayîye de hêrişê DAÎŞ'î yê serê Şengalî ame vîrvistene û sipasîya QSD'yî rê ameye kerdene ke çinkerdişê DAÎŞ'î de û kiştişê serçeteyê ey Bagdadî de rolêko pîl girewt.
Eşkerayîya Meclîsê Xoserîya Demokratîk yê Şengalî wina ya:
"3'ê Tebaxa 2014 de bi qerarê serçete Baxdadîyî, DAÎŞ'î şarê Êzidî yê Şengalî rê hêrişê qirkerî kerdî. Netîceyê nê hêrişanê qirkeran de bi hezaran merdimê ma ameyî qetilkerdene û bi hezaran merdimê ma zî ameyî remnayene. 5 serre nê hêrişan ser ra vîyartî zî aqîbetê bi hezaran merdimanê ma yê ke ameyî remnayene, eşkera nîyo. Ma kiştişê serçeteyê DAÎŞ'î seba komelê Êzidîyî sey roşanêk vînenê. Ma sipasîya hêzanê QSD'yî rê kenê ke kiştişê serçete Bagdadîyî û çinkerdişê DAÎŞ'î de rolêko pîl girewt xo mil. Serra 2014 ra heta ewro qesasê laj û keyneyanê ma DAÎŞ'î rê ame girewtene. Her kes zaneno ke sazkerdiş û averberdişê DAÎŞ'î de rolê dewleta Tirkî pîl o. Dewleta Tirkî tim paşt da DAÎŞ. Ebûbekîr El Bagdadî zî cayo ke binê kontolê Tirkîya de yo, de ame kiştene. No bi xo qetî keno ke Tirkîya DAÎŞ'î rê hemkarîye kena. Ma veng danê pêroyê komelê Êzidîyî ke verba îşxalkarîya dewleta Tirkî têkoşîn bidê."
