2010 de bi vurnayîşê qanûnî bire dîyabî ke domanê ke tewrê çalakîyanê neqanûnîyan benê ganî sûcê terorî ra nêrê muhakemekerdene û vera bidîyê. 

Ferdî Sertkalo 16 serre 2006 de bi îdîaya 'tede madeyê tehlukeyînî est bîyê, propagandaya rêxistine kerda, zerar dayo malê umûmîye' Dîlok de tepişîyabi.

Mehkeme cezaya 10 serran û 8 mengan dabî Sertkalî. Dima 2010 de bi vurnayîşê qanûnî dosya îadeyê Mehkemeya Cezaya Girane ya Adana amebî kerdene û tîya ra zî dosya erşawîyabî Mehkemeya Domanan a Dîlokî. Sertkalî muracatê Mehkemeya Berze ya Temyîzî kerd û waşt ke bira ceza bivurîya.

Mehkemeya Berze ya Temyîzî bi îdîaya ke Sertkal poşman nîyo û beno ke reyna heman sûcî bikero cezaya Sertkalî tesdîq kerde.

Bi nê hawayî qanûnê 'Domanî sûcanê endamî û propagandaya rêxistine ra nêrê muhakemekerdene' bi hawayêkê fîîlî wedarîya.