16ê tebaxa 2016î de polîsan eştbi rojnameyê Ozgur Gundemî ser, rojname qefilnabi û 22 rojnamegerî zî destbend kerdbi. Roniştişo 7. yê dewaya rojnamegeran Mehkemeya  Eslî ya 5. ya Çaglayanî de ame kerdene. Rojnamegerî beşdarê mehkeme nêbîyî. Avûkatê înan mehkeme de amade bîyî.

Avûkatan waşt ke aqîbetê materyalanê muwekîlanê înan bêrê cigêrayene, nê metaryalî bêrê dayene wayîranê ci û kêmasîyê dosyayan bêrê temamkerdene.

Dewaya Rojnameyê Ozgur Gundemî de heyetê mehkeme pare kerd ke  metaryalê dijîtalê ke wextê sereştişê Ozgur Gundemî de polîsan dest nabi ser bîyî vînî coka metaryalî nêrê dayene wayîranê ci. Heyetî roniştiş taloqê 16ê sibata 2021î kerd.