Tebaxa 2018î de dewleta tirke hewteyê 700. de hêrişê Mayanê Şemeyî yê ke aqibetê domananê xo yê vînîbîyayen persenê,  kerdbi û bi desan  kesî destbend kerdbi. Vera Mayanê Şemeyî seba çalakîya înan a roniştişî dewa ameyebî akerdene. Roniştişê diyînî yê dewa ewro ame kerdene.

Roniştişo ke Mehkemeya Cezaya Girane ya 27. yê Îstanbulî de ame kerdene  xeylêk wekîlê HDP û CHPyî û hemserek û îdarekarê baroyan tewrê ci bîyî.

Gama ke nasnameyî ameyênê tespîtkerdene vatişê ''versûcî'' ame şuxulnayene. Nayî ser o maya Murat Yildizî o ke bi destê dewlete ame vînîkerdene, Hanîfe Yildiz werişt pay vat, ''Şima kamî/e ra vanê versûc? Ma dewaker ê, dewaker.''

Hemserekê ÎHDyî Oztuk Turkdoganî bale ante ser ke badê hedeframojnayîşî Suleyman Soyluyî Mayanê Haştîye rê hêriş ame kerdene û vat: ''Mayî wazenê ke sûcdarê ke bîyî sebebê vînîbîyayîşê domananê înan bêrê cezakerdene ke no waştişo heqdar o. Coka na dawa huqûqî nêya. Ganî cade qerarê beraatî bêro dayene. Dadgerê mehkeme waştiş red kerd.

Reyna avûkanê bînan zî vera bêhuqîya ke yena kerdene nêrazîbîyayîş ramojna û beraat waşt. Kenan Yildizerî ke gurenayîşê muhakemekerdişî rexne kerd hetê dagerî ra ame tehdîtkerdene. Êyê ke yenê muhakeme kerdene seba ke mehkeme xoser û bêhet nêya vat ê mehkeme red kenê la heyetê mehkeme no  waştiş zî red kerd ronişto bîn 24ê teşrîna peyêne rê peyde eşt.

Badê roniştişî avakutan verê edlîye de eşkerayîya çapemenîye kerde. Avûkatan da zanayene ke seba ke dadger goreyê huqûqî tênêkgêreno înan waşto ke o dosya ra xo bianco la ey goş înan ser a nênayo coka înan hekîm red kerdo û vat ê do muracatê mehkemeya berze bikerê.