Endamê Yewîya Nuştoxan a Mîyanneteweyîye (PEN) Gokhan Yavuzel bi îdîaya 'serekkomarî rê heqaret' yeno muhakemekerdene. Roniştişo destpêk ê dewa Mehkemeya Huqûqî ya Eslî ya Riha de ame kerdene. Roniştiş de bira tepişîyayîşî dîyaye.

Hezîrana 2020î de medyaya dîjîtale de hesabê bi nameyê 'Kurtjitem'î Yavuzelî rê gef wendbi. Yavuzelî vera gefî pê vîdeoyêk cewab dabi û semedê îqtîdarî vatbi 'Şima do bin bikewê.' No vate sey 'heqaretî' ame ercnayene.

Roniştiş taloqê 22ê sibata 2022î  ame kerdene.

Yavuzelî vilaweka haştîye ya 'Bê labelê ma do nêbê hemparê nê sûcî' amade kerdbi ke çeleyê 2016î de hetê Înîsîyatîfê Edebîyarkeran ê Semedê Haştîye ra weşanîya. Derheqê Yavuzelî de 12ê nîsana 2019î de pê îdîaya 'endamîya rêxistine' bira tepişîyayîşî dîyabi. Yavuzelî naye ser o Îngilîstanî rê muracatê multecîtîye kerd û muracatê ci ame qebulkerdene. Yavuzel 'lîsteya kesanê ke do bêrê kiştene' de zî estbî ke tede 55 sîyasetmedarê muxalîfî, nuştox û rojnamegerê kurdî yê Ewropa estê. 26ê temmuza 2021î de keyeyê Yavuzelî bi hedefê hêrişê komêke.